Hier erstmal die "deutsche" Fassung:

"Zieh die Vorhaut des steifen Gliedes zurück und drücke aus der Spitze des Kondoms mit zwei Fingern die Luft heraus, um Platz für den Samen zu schaffen.

Setze dann das Kondom auf die Eichel und rolle es mit der anderen Hand bis ganz nach hinten. Das alles sollte ganz leicht gehen. Bitte ziehe oder quetsche nicht - Nimm ein neues Kondom, wenn es mal nicht klappt. Ziehe nachher das Glied vor dem Erschlaffen zurück. Halte dabei das Kondom hinten fest, damit es nicht abrutscht oder der Samen herausgedrückt wird.
Wasche danach das Glied, damit beim Nachspiel kein Samen mehr im Spiel ist!

Denk daran: Die Verpackung vorsichtig aufreißen, keine Schere oder anderen spitzen Gegenstände benutzen. Und auch vorsichtig mit scharfen Fingernägeln!"

Und hier die Schwäbische Übersetzung:

Also ersch mol muasch des Heidle vom Zipfale hendre zia, woisch scho, des wo dribr gad wennr grad ed stad. Wenn da des ond 's Auspacka von deanr Zipflgugg gschaffd hasch (nadirlich derfsch koine spitze Gegastend odr gar a Scheer nemma, oms auszompacka ond mid scharfe Fengrneegl sod ma au a weng vorsichtig sei) dann stadd am Glick faschd nex mear em Weag. Dr ledschde Doil wed a weng kniffleg, abr mir griagad des scho na. Des wär ja glacht. Jetz nemmsch oifach des aufgrollde Heifale, drucksch des Spitzle middam Dauma ond am Zoigfengr zema, daß dau au hendrher schea Blatz fr dei Kerbrflissigkeit isch, dann setzschs oba aufs Buabaspitzle nauf (dau wos Loch isch, ja wo au soschd) ond rollsch dean Gommilomba so weid wias gad da Zipfl nondr. Des sodd ed weidrs schwer sei odr schlecht ganga. Om Goddes Willa am beschda Schdick ed d'Luft abwirga!

Wenns ed guad gad, nemm oifach a neis, au wenns am Schwob wea duad, dau geids koine Kombromisse! Wenn des klabbt had, kas abr losganga! Ond wenns am Schluß nao soweid komma isch (woisch scho was I moi) nao hebschs abr voram Rauszia guad feschd, ed daß dao no ebbes drneabr gad! Wescha soddesch des guade Schdigg zom Schluß au no, damid au nachher nex mei bassiert!

(nadierlich ed dui alda Zipfelgugg, dui kommd en da Dreggoimr). Des isch doch gar ed so schwer oddr?